Pazertesi, Orak ayın 8-dä, Moldova Respublikasının Soțialistlär Partiyasının (MRSP) teklif etti, ani Canavar ayın 20-dä olacek Moldova Prezidentı seçimnerindä opozițiyada bulunan kuvetlerdän Aleksandr STOYANOGLUyu ortak bir kandidat çıkarmaa.
Bundan sora hemen yapılan brifingta Aleksandr STOYANOGLU açıkladı: “Prezidentlää yollanmamım birkaç faktoru var. Birincisi – haksızlık, işleri kotüyä kullanmaklar, insannarı zeetlemäk. Türlü politika dolandırıcıların hem kuvetlerin tarafından Konstituțiya düzeni hergün eziler. Dooruluu enidän diriltmää – bu başlangıç. Bunu birliktä yapabiliiriz!”.
Aleksandr STOYANOGLU urguladı, ani Moldova Respublikasının Evropaya girmesinin hem onun taraftarsızlıının taraftırıdır.
Canabisi teklif ettiydi, ani Orak ayın 10-da buluşsunnar opozițiyada bulunan kuvetlerlän, ama, taa sora, annayıp, ani onnar buluşmaya hazır diil, teklif etti bu buluşmayı taa sora yapmaa.
Orak ayın 11-dä Moldova Respublikasının Soțialistlär Partiyasının (MRSP) Sovet karar aldı, ani gelecek Moldova Prezidentı seçimnerindä Aleksandr STOYANOGLUya arka olamaa.
Aleksandr STOYANOGLU Prezidentlää yollanmasını açıkladıı gibi, Moldovada hemen ona karşı eski daavaları üzä çıkardılar.
Aleksandr STOYANOGLU duudu 1967-ci yılın Kirez ayın 3-dä. 2009-2014 yıllarında Demokratlar Partiyasından Moldova Parlamentın deputatıydı. 2009-2010 yıllarında Moldova Parlamentın vițe-predsedateliydi. 29.10.2019 yılından beeri Moldovanın Baş prokuroru. 2021-ci yılın Canavar ayın (oktärbi) 5-dä avşamneyin, Moldovanın gagauz olan Baş prokurorunu Aleksandr STOYANOGLU, Prezident Maya SANDUnun emirinä görä, Baş prokurluktan, bir kabaatsız hem zakonsuz alındı. Taa sora Evrupa İnsan Hakları Sudu (EİHS) açıkladı hem tanıdı Moldovanın Baş prokuroru Aleksandr STOYANOGLUnun zakonsuz işindän alınmasını.
