Baba Marta ayın 6-da Kongaz Kultura evindä yuvaları olan “Altın Çöşmä” uşak oyun ansamblisinä hem “Taraf” halk muzıkası orkestrasına 30 eni kostüm komplektları baaşlandı.
“Altın Çöşmä” uşak oyun ansamblisinä hem “Taraf” halk muzıkası orkestrasına verilän bu 30 kostüm komplektları için 80 bin leydän zeedä para ayırıldı Gagauziyanın kultura için bücetından.
Kostüm komplektları baaşlama sırası için Kongaz küüyünä maasuz geldilär Gagauziya Başkankası Evgeniya GUŢUL, Gagauziya Başkanın işlerinä bakan bölümün başı İvan KOLİOGLU hem Gagauziya kultura Upravleniyasının başı Marina SEMENOVA. Bundan kaarä bu sırada pay aldılar Kongaz küüyün primarı Mihail ESİR, “Altın Çöşmä” uşak oyun ansamblisinin kurucusu hem ilk öndercisi Viktor GRADİNAR.
Kostümnarı kablettiktän sora, artık onnara giinip, “Altın Çöşmä” ansamblisinin oyuncular hem “Taraf” orkestrasının muzıkantları hem solistkası sțenada birkaç nomer gösterdilär.
Eridir urgulamaa, ani “Altın Çöşmä” uşak oyun ansamblisi hem “Taraf” halk muzıkası orkestrası var Gagauziyanın hodulluu. Onnar kendi becerikliinnän hem talantlarınnan gagauzları hem Gagauziyamızı çok memleketlerdä tanıttılar hem tanıdêrlar.
