Baba Marta ayın 30-dä Avdarmanın “Süütçäz” uşak başçasında büük bir yortulu sıra geçti – uşak başçasının enilenmiş sportzalın açılışı. Bu yortulu sırayı baaşladılar bu uşak başçasının kurulmasının 40-cı yıldönümünä.
Nicä bildirdi Moldovada Romıniya Büükelçilii sportzalın ofiţial açılışını yapıtılar Romıniya Büükelçilii hem Moldovanın Soţial İnvestiţiyalar Fondu (FISM). Bu iki kuruluşun temsilcilerindän Adrian BIRLÊdan hem FISM başkanı Mirca EŞANUdan kaarä, ofiţial açılışta pay aldılar Gagauziya İspolkom predsedatelin yardımcısı Olesä TANASOGLU, Halk Topluşu Başın yardımcısı Aleksandr TARNAVSKİY, Avdarmanın primarı İvan KASIM, başka cümne insannar.
Romıniya pravitelstvosunun tarafından verilän paralarlan “Süütçäz” uşak başçasının eni örtüsü hem sportzalı yapıldı, hem da sportzala sport inventarinnän mebel alındı, bildirer Moldovada Romıniya Büükelçilii.
“Süütçäz” uşak başçasının direktoru Nadejda GREK şükür etti hepsinä, kim yardım etti hem yardım eder uşak başçasına. Bitkidä uşak başçasının uşakları gözäl bir konţert gösterdilär.
Büünkü gündä Avdarmanın “Süütçäz” uşak başçasına 3-7 yaş arasında 140 uşak geler.
Not. “Romıniya pravitelstvosunun tarafından kurulduu uşak başçalarına teknik hem para yardımı Programasına” görä Moldovaya 20 milion evro para verildi hem 3 milion evro para da uşakların erken terbiedilmesi Programası için verildi.
