Moldova Premyer-ministrusu İon KİKU açıkladı, ani başlayıp Baba Marta ayın 25-dän Moldovada armatayı küülerä hem kasabalara sokêrlar.
İon KİKU söledi, ani şindilik bu yapılêr o üzerä, ani parkları, cümne erleri hem uşakların oynamak meydancıklarını kapamaa deyni, insannar oralarda gezmesinnär hem ansıdan COVID-19 hastalıına ulaşmasınnar hem da biri-birlerini ulaştırmasınnar.
Naşey o “cümne erleri” Moldova Premyer-ministrusu açıklamadı.
İon KİKU urguladı, ani bu iş Moldova içişleri ministerliin polițiyacıları hem Moldova korunmak ministerliin askerin omuzlarına koyulêr. Canabisi dedi, ani karar Moldova prezidentınnan hem baş komanduyuşçiylän İgor DODONnan annaşıldı.
Premyer-minustruya görä polițiyacılar, soldatlar hem karabinerlär Baba Marta ayın 25-dän beeri bu iştän tutunaceklar.
