İki aydan sora, Baba Martanın 22-dä, Gagauziya başkanın sıradakı seçimneri olacek. Ani başkan olmaa birkaç kişi isteyecek çoktan belliydi. Ama ani Başkan olmaa deyni kandidatlardan büük bir kuyruk olacek, bunu kimsey hiç düşünmäzdi da.
Büük ayın 22-dä, seçim kompaniyasının ilk günündä, MSK (Merkez Seçim Komisiyası) on kandidatın iniţiativa grupalarına registraţiya yaptı.
Başkan seçimnerinä katılmaa hazır Nikolay DUDOGLO (Moldova parlamentın deputatı, Komradın eski primarı), Aleksandr STOYANOGLO (Moldova parlamentın eski deputatı), İrina VLAH (Moldova parlamentın deputatı), Valeriy YANİOGLO (Gagauziya İspolkomun predsedatel yardımcısı), Ruslan GARBALI (“Birliktä İilik” cümne kuruluşu, biznesmen), Oleg GARİZAN (Moldova parlamentın eski deputatı), Sergey BUZACI (Çadır rayonun adminstraţiya predsedateli), Oleg KAYKI (Halk Topluşun deputatı), Sergey ÇİMPOEŞ (Halk Topluşun deputatı), Leonid DOBROV.
Şindilik bukadar. Ama bu kuyraa var nicä girsinnär Dimitriy KROİTOR (Gagauziyanın eski başkanı), Dimitriy KONSTANTİNOV (Halk Topluşun başı), Georgiy LEYÇU (Halk Topluşun deputatı), Vitaliy KÜRKÇÜ (Gagauziyanın ekonomika upravleniyasının başı).
