2026-cı yılın Büük ayın 30-da Beşgöz küüyün “Dernek” folklor ansablisinä Gagauziya kultura Upravleniyası tarafından baaşlandı 11 takım gagauz milli kostümnarı.
Beşgöz küüyün “Dernek” folklor ansablisinä bu bu büük ikramı yapmaa deyni, Gagauziyanın kultura için bücetından para ayırıldı hem Gagauziya kultura Upravleniyasının zaametinnän proekt aslıya çıkarıldı. Onuştan da, ansambliya kostümnar baaşışlarını vermää deyni, bu küüyün Kultura Evinä geldi Gagauziya kultura Upravleniyasının başı Marina SEMÖNOVA, angısı tatalı laflarlan kutladı “Dernek”çileri hem onnarın öndercisini Varvara Dimitrievna EFTENİyi.
Biz dä kutêêrız Beşgözü hem Gagauziyayı bölä kıvrak, yakışıklı, gercik, kauklu hem seçkin milli kostümnarın ortaya çıkmasınnan! Sarp Gagauziya kultura Upravleniyası bu kırnak zaametleri için saa olsun! Siz dä, “Dernek”çilär, bu gözelliklän bizi, gagauzları, hererdä metinnäyin hem Gagauzluumuzu ilerledin.
