Orak ayın 12-dä Gagauziyanın Beşgöz küüyü (eski adı Kopkuy) kendi kurulma günündän 205-ci yılını kutladı hem küüyün Ay Petriylän Ay Pavlinin adına klisenin Kurbanını baktı.
Kutlamaklarda pay aldılar beşgözlülär, aşırıdan musaafirlär, Gagauziyanı öndercileri hem sıradan insannar.
Kurban, adetä görä, başladı klisedä slujbadan. Sora da insannara konţert gösterildi hem başka şenniklär yapıldı.
Ama bu gündän ileri, küüdä bir sıra sport yarışmaları geçti: mini-futbol, voleybol, basketbol, biçikleta yarışması, “Pötr TÜLÜ” adına serbest güreş turnirı hem başka.
