Moldova Merkez Seçim Komisiyasının (MSK) kararına görä, Canavar ayın (oktäbri) 20-dä Moldova olacek Prezidentın seçimneri hem respublika konstituțiyalı referendumu için Rusiyada 5 seçim bölümü açılaceydı, ama sonda sade iki kaldı. İkisi da Moskvada.
Merkez Seçim Komisiyasının (MSK) vițe-prezidentı Pavel POSTİKA açıkladı, ani bu karar Canavar ayın (oktäbri) 7-dä alındı, çünkü Moldovanın dışişleri hem Evropaya integrațiya ministrlii bildirmiş, ani bukadar (demeli 3) seçim bölümü Rusiyada açmaa kolaylıı yok.
Bu üzerä Rusiyanın Surgut, Sankt-Peterburg hem Yaroslavl bölgerindä açılmayan seçim bölümnerindä, bir salımda, 26 000 oy ortadan kaldırıldı hem, MSK kararına görä, bületennäryok edildi.
Birazdana Moldovanın dışişleri hem Evropaya integrațiya ministerliin ministrusu Mihay PAPUŞOY açıkladı, ani “ministerlik karar aldı Rusiyada sade 2 seçim bölümü açmaa, çünkü sade burada var nicä seçimcilerin güvenniini hem konsulluk korumasını yapmaa, hem bu karar alınmış SİS (eski KGB) kantarlamasından sora, angısı ortaya sürdü Rusiyada zor hem her işi kaplar durumun incelemesini.
