Moldova leyi, kösteklenip aşaa düşer. EURO hem dolar azıttılar, sansın sinciri koparmışlar. Birisi (€) 25 leyi geçti, öbürü ($) 25 leyiä yaklaşêr.
Devlettä pravitelstvo yok. Hepsi, kendi başına başsız, gezerlär. Padişahlaa hem onun parasına saabi çıkan yok.
Moldova Miilli Bankasının başı Dorin DRÊGUŢANU dün, Küçük ayın 17-dä, hepsini uslandırdı: yakınnarda stabilizaţiya olaceymış. Canabisi bu durumda, nicä da herkerä, insannarı kabaatlı buldu – çok valüta satın alarmışlar.
Valüta kursları sa hep yukarı tırmanêrlar. Dün bir banka Euroyu atrık 29,4 leyä satın alardı.
Ufak bir esap gösterer, ani Moldova vatandaşları, demeli biz, birkaç ayın içindä artık 30% fıkaara olduk. Fizika zakonnarına görä – kimi sa 30% taa zengin oldu.
Dimu ERİBAKAN
