Gagauziyanın Çadır kasabasında COVID-19-za ulaşannar hızlı zeedelener. Büünkü günä kadar onnarın sayısı 127-ya etişti.
Nicä bildirdi Moldova saalık ministerlii bu 127 insanın arasında var 17 medițina zaametçisi, angıların taa çoyu işlärdilär Çadır bolnițasının nevrologiya, terapiya hem duudurma bölümnerindä.
COVID-19 patlamasınnan ilgili durumu açıklayarak, Çadır kasabasının primarı Anatoliy TOPAL dedi: “Kasaba karantina kapanma kertiinä geldi. Bu da – Çadır için katastrofa olacek”.
Anaktar sözlär : Çadır, COVID-19, Gagauziya, koronavirus, Moldova
