Harman ayın (avgust) 26-da Moldova premyer-ministrusu Dorin REÇEAN buyur etti Kişineva Gagauziya (Gagauz Yeri) administrativ-teritorial avtonomiyasından hem bulgarların Taraklı kasabasından gençleri, ani kendi erlerindä cümne işlerindä aktiv pay alêrlar.
Buluşmada Moldova premyer-ministrusu Dorin REÇEAN açıkladı, ani gençlerin cümnä ömüründä büük rolü var hem memleketin ana kararların alınmasında onnarın katkıları pek önemnidir.
Premyer-ministru annattı gençlerä devlet servicindä ödenän stajirovka yapmak için programasını. Canabisi urguladı, ani stajorlar aylık 3000 ley vergisiz stipendiya kablederlär hem, stajirovkayı başardıynan, devlet işinä konkursuz alınêrlar.
Kendi tarafından gençlär premyer-ministruya türlü soruşlar koydular, angıların arasında vardılar evropalı integrațiya proțesınnan ilgili, haber kaynaklarına ulaşma kolaylıkları hem dezinformațiyaya karşı koymak.
Dorin REÇEAN, gençlerä danışarak, dedi: “Evimizdä taa islää bir yaşamak birliktä kururuz – bu bizi birleştirän memleket proektı!”
