Her yılın Ceviz ayın (sentäbri) üçüncü cumêrtesindä dünnäda bekılêr Dünnä Temizlik Günü (World Cleanup Day). Bu gündä insannara teklif ediler dolayı temizlemäk mecisindä pay alsınnar da yaşadık erlerin dolaylarını paklasınnar.
Dünnä insannarın arasında katıldılar bu temizlemäk kompaniyasına Gagauziya insannarı. Onnar topladılar plastik torbaları hem şişeleri, türlü alüminiy kutularını, içkilerdän kalan şişeleri hem taa çok başka boklukları, angılarını, kesinniklän bu temizlik mecisinä sırasına katılmayan eriflär, hiç düşünmedään, paklandıkları erlerindä sıbıdêrlar.
Dünnälan barabar Dünnä Temizlik Günündä temizlemäk kompaniyasında pay aldılar Kongaz “Varvara Topal” gimnaziyasının üürencileri hem üüredicileri dä, angıları büük havezlän temizledilär Kongazın Sıır sokaanın (şindi Lenin sokaa) temizlenmesindä hem Yalpug derenin çayırının paklamasında.
Belliki, pak diil orada, neredä paklêêrlar, pak orada, neredä temizlii koruyêêrlar. Onuştan: Bokluk atmayın! Ardınıza erinizi toplayın! Temizlii koruyun!
