Kırım ayın (dekabri) 12-dä Kıpçak küüyün 3-cü uşak başçasında (Kıpçak 3-cü EÜK), gagauz dili üüredicilerin regional metodika toplantısının çevresindä, geçti Eni Yıl hem Kolada yortularınnan ilgili açık zanaat gösterisi.
Kıpçak küüyün 3-cü uşak başçasına (Kıpçak 3-cü EÜK) gagauz dili üüredicilerin regional metodika toplantısına buyur edilän insannarın önündä uşak başçamızın gagauz dili üürediciykası Elena Anatoliyevna TOPAL, atestaţiyada II-ci didaktika uurunu kabletmäk için, Eni Yıl hem Kolada yortularınnan ilgili açık zanaat gösterisi hazırladı.
Açık zanaat gösterisindä uşaklar gösterdilär gagauz halkın Eni yıl hem Kolada adetlerini, sıralarını hem bu yortulara hazırlanmalarını. Bu gösteri uşaklara deyni uygun oyun formasında yapıldı: çamcaaz donadıldı, türkülär çalındı, peet annadıldı, çok didaktika materialları hem halk kulturasının elementları kullanıldı. Ne verdi kolayını uyandırmaa uşakların meraklıını milli tradiţiyalara hem onnarın diriltmesinä hem korumasınaa yardım etmää.
Metodika toplantısına katılan üüredicilär, Elena Anatoliyevnanın üüsek uurda metodika tarafından hazır olmasını, yaradıcı yaklaşmasını hem uşakların zanaatta aktiv pay almalarını urguladılar. Zanaatı “pek islää” notaylan notaladılar.
Kıpçak küüyün 3-cü EÜK administrațiyası
