Kırım ayın 3-dä Kişinevun Respublika Sarayında oldu Moldova etnika cümnelerin Gala konțert, neredä pay aldı 600 insandan zeedä, angıların arasında vardılar etnika hem milletlik grupaların temsilcileri, erindeki hem merkez kuvetlerin zaametçileri, halklarası kuruluşların adamnarı.
Gala konțertta, büünkü kuvetlerä etnika arasında ilişkileri kaavileştirmäk uurunda izmet edän kişilerä ödüllär verildi. O insannarın işleri için nasaat etti Etnika arası ilişkileri Agenstvosunun başı Veçeslav REABÇİNSKİY.
Gagauz milletinin adından burada kendilerini temsil edän etnika insannarı da ödüllär kabletti. Onnarın arasında:
“Etnika kuruluşların birleştirilmesi için” – Nikolay TERZİ, Moldova Respublikasının “Gagauz Cümnesi” Cümne Birliin predsedateli;
“Etnika arası işbirliini ilerletmäk için” – Anatoliy TOPAL, Çadır kasabasının primarı;
“Etnika arası cümnelerini ilerletmäk için” – Sergey ANASTASOV, Komrat kasabasının primarı.
Moldovanın etnika cümnelerin Gala konțertında pay aldı hem nasaat etti Moldova Prezidentı Maya SANDU.