Baba Marta ayın 28-dä Kişinevun Çokana bölümü sudu karar aldı Gagauziya Başkankasını Evgeniya GUȚULu 20 günä kapanda ön arest altına kapanmaa.
Baba Marta ayın 25-dä Kişinev aeroportunda Moldovanın antikorupțiya Merkezi (CNA) tarafından bir kabaatsız tutuklanan Gagauziya Başkankası Evgeniya GUȚUL bu merkezin izolätoruna geçirildi. Taa sora da CNA tarafından 30 günä ön arest altına almaa istenildi, ama Boyukan sudu bunu yapamadı. Ozaman Evgeniya GUȚULu Kişinevun Çokana bölümü suduna getirdilär dä orada bu sud Canabisini 20 günä kapanda ön arest altına kapamaa karar aldı.
Çokana sudunun bu kararı için Gagauziya Başkankası Evgeniya GUȚUL ölä dedi: “Büün Gagauziyanın kafasını kestilär!”
Gagauziya Başkankası Evgeniya GUȚUL kendisini kabaatlı bulmêêr hem onun advokatları bu karara apeläțiya yapmalarını açıkladılar.
Sudun kararından sora, Gagauziya Başkankası Evgeniya GUȚULu, CNA maşinasınnan Kişinevun № 13 kapanına getirdilär. Evrupa İnsan Hakları Sudun (EİHS) açıklamasına görä – bu kapan insan onuruna aykırı olduunu kabul etmeliyiz.
