Hederlez ayın 12-dä Kişinevun Çokana sudu genä karar aldı bir kabaatsız tutuklanan Gagauziya Başkankasını Evgeniya GUȚULu taa 30 gün ev arestında brakmaa.
Nicä bildirer Gagauziya Başkanın pres-slujbası, kendi advokatların aracılıınnan Hederlez ayın 12-dä Gagauziya Başkankasını Evgeniya GUȚUL açıkladı, ani “büün bir kabaatsız hem bir temelsiz sud benim ev arestımı taa 30 günä uzattı. Bu dooru daavacılık diil. Bu bir politika tepelemesi hem Gagauziyanın aazını kapamak denemesi”.
Gagauziya Başkankasının advokatı Sergey MORARU bu karar için bölä dedi: “Arestı uzaltmaa hiç bir temel yok… Gösterilmedi hiç bir dokument ta, ani bu işin yapmasını temelleştirer”.
Evgeniya GUȚULun hakında sud zamanı Çokana sudun önündä protet mitingi oldu.
