Baba Marta ayın 25-dä Kişinev aeroportunda bir kabaatsız tutuklanan Gagauziya Başkankası Evgeniya GUȚUL Evrupa İnsan Hakları Sudun (EİHS) tarafından insan onuruna aykırı olan açıklanmış Kişinevun № 13 kapanında kapalı durêr. Bu haksızlaa karşı Gagauziyada, Kişinevda hem Moskvada durmamayca protest mitingları yapılêr.
Kişinevun Çokana sudunun hem Kişinev Apeläțiya Palatasının kararına görä Gagauziya Başkankası Evgeniya GUȚUL Çiçek ayın (aprel) 14-dän Evrupa İnsan Hakları Sudun (EİHS) tarafından insan onuruna aykırı olan açıklanmış Kişinevun № 13 kapanında kapalı duracek. Sora hep o sudlar karar alacek taa ötää dä mi Canabisini kapalı tutmaa osa serbest brakmaa mı.
Esaba alarak nicä Moldova kuvetleri Canabisindän korkêr sudların kararı şüpä altındadır. Unutmayın, ani Evgeniya GUȚULu sudlara ya onlayn baalêêrlar, ya da, sansın büük bir banditi gibi, en az 14 polițiyaylan getirerlär hem sud odasında da polițiyaylan sarılı tutêrlar. Bu arada da haliz banditleri hem öldürücüleri, ani ömür boyuna kapana kapalıydılar, kuvetlär pek raat serbest brakêrlar.
Nicä da olsa, Gagauziya Başkankası hem iki uşak anası olan Evgeniya GUȚULa karşı bu aar baskılardan kurtamak için Gagauziyada, Kişinevda hem Moskvada durmamayca protest mitingları yapılêr.
