Kirez ayın 26-da Türkiye Respublikasının Kişinev Büükelçisi Mehmet Selim KARTAL hem Kişinev TİKA ofisin koordinatoru Atilla Cem KARAMOLLAOĞLU Komrat Devlet Universitetın (KDU) kollektivına universitetın obşçejitiyesını Evropa standartlarına görä enilenmäk proektına prezentaţiya yaptılar.
Proektın hazırlanması için TİKA (Türk İşbirlii hem Koordinaţiya Agenstvosu) 37 bin Euro para verdi. Bütün proektı Kişinevdan “Urban-proekt” kuruluşu yaptı.
Proekta görä obşçejitiyada Evropa standartlarına uygun olarak enilenmä, mebel, santehnika, komunikaţiyalar yapılacek. Bütün bu işlär için 1,5 milion Euro para lääzım olacek. Neettä var bu parayı yabancı donorlardan bulmaa.
PATRETTÄ: Büükelçisi Mehmet Selim KARTAL hem KDU rektoru Zinaida ARİKOVA proektı kollektiva gösterärkana.
