Parijda geçän XXXIII-cü Yaz Olimpiada oyunnarın açılışında haliz bir şeytannar düünündän sora, Şveyțariyada Panayıya hem küçücük İisus Hristoz ikonasını kurşuna urdular.
Ceviz ayın 8-dä (katoliklerin Küçük Panayıya yortusu) şveyțariyalı Eşillär partiyasından politikacıykası Sanija AMETİ üündü soțial aalarda, ani kurşuna urdu Panayıyayı hem küçücük İisusu, bildirer Catholic Arena.
Hep bu aalarda Sanija AMETİ erleştirdi iki patret. Birindä – kendisinin elindä “Abschalten” (nemțeycä “kapatmak” ya da “sündürmäk”) pistoletı , ikincisindä – nışan olarak kullanılan resim katalogundan alınan ayozlu Panayıya evladı İisus Hristozlan.
Taa sora Sanija AMETİ sildi bu patretleri hem yazısını soțial aalardan da başka yazıylan danıştı insannara, yakışarsaydı, onu prost etsinnär.
Foto: Catholic Arena
