Ceviz ayın (sentäbri) 21-dä Gagauziya Halk Topluşu kendisinin XVI-cı plenar toplantısında aldı Karar, ani Gagauziya Başkanın sıradakı seçimneri 2019-cu yılın Hederlez (may) ayın 19-da olacek.
Bu Karar için 18 deputat elini kaldırdı, 10-nu karşı çıktı, 3-çü da ikiliktä kaldı.
Aklınıza getireriz, ani büünkü Gagauziya Başkanı teklif ettiydi bu seçimneri 2019-cu yılın Küçük ayın (fevral) ayın 19-da yapmaa, ama bu tekliflän GHT kayıl olmadı. Çünkü zakona görä Gagauziya Başkanın sıradakı seçimneri lääzım olsunnar 2019-cu yılın Baba Marta ayın 22 – Kirez ayı (iyün) 22 günneri arasında, zerä geçän seçimnär oldular 2015-ci yılın Baba Marta ayın 22-dä.
