Küçük ayın (fevral) 9-dä Gagauziya Halk Topluşu kendisinin maasız toplantısında inceledi iki soruş: Gagauziya Merkez seçim Komisiyasına (MSK) taa 3 kişinin seçilmesi hem GHTya eni seçimnär günü.
Toplantıda, İspolkom azaları tarafından türlü azarlamaklara dayanıp, Gagauziya Halk Topluşu deputatları, son-sonunda, MSKya etişmeyän 4 kişidän 3-nü seçti. Onnarın birisi Gagauziya daavacılık sistemasının kandidatı ikisi da İspolkomun adamnarı.
GHT deputatları, İspolkomun üçüncü kandidatından kendileri için bir tepä mındarlık işidip, belliki, o kandidat için ellerini kaldırmadılar.
Gagauziya Halk Topluşuna eni seçimnärin gününda GHT deputatları ölä da bir karar alamadılar. Şindi sıra GHTnın taa bir maasuz toplantısında, angısı lääzım olsun Küçük ayın (fevral) 12-dä. Bakalım oradan ne kararlar alınabilecek, çünkü İspolkomun hem onun taraftarları olan deputatların tarafından Gagauziya Halk Topluşun zaametlerinä büük kösteklär koyulêr.
