Gagauziyanın baş kasabasına Komrada çevrä yolunu yapan Türkiyedän “Onur” kompaniyasının 46 işçisinä COVID-19-za test yapıldı – onnardan 6 kişidä test pozitiv çıktı.
“Onur” kompaniyasınnın Koronavirusa ulaşannarın arasında 3 kişi Türkiye vatandaşı, üç kişi dä Moldova vatandaşları (2 – komratlı, 1 – kişinevlu).
Şindi, bu beterä, “Onur” kompaniyası en aazdan 14 günä işini durguttu.
Not. Türkiyedän “Onur” kompaniyası Gagauziyanın baş kasabasının dolayına en eni tehnologiyalara görä 19 kilometralık uzunnuunda çevrä yolu yapêr, angısı 2021-ci yılda lääzım başarılsın.
