Canavar ayın (oktäbri) 2-dä Gagauziya kultura Upravleniyası, Moldova Respublikasının Etnografiya hem dolaylı tabiat istoriyası Milli muzeyinnän ortaklıkta, Gagauziyanın Regional resim Galereyasında Gagauziya (Gagauz Yeri) muzeycilerinä deyni “Erindeki muzeylerdä etnografiya hem tabiat varlıkların esaba alınması hem paaya koyulması” adlı bir trening seminarı yaptı.
Bu seminarın yapılması Moldova kultura ministerlii tarafından açıklanan “Kulturaya Kauşmak – 2025” („Acces la Cultură – 2025”) Milli programasından paraylan kaynaklanan, Moldova Respublikasının Etnografiya hem dolaylı tabiat istoriyası Milli muzeyindä aslıya çıkarılan “Erindeki muzeylerdä etnografiya hem tabiat varlıkların esaba alınması hem paaya koyulması” programasının çerçevesindä oldu.
Trening seminarın uuruydu – Gagauziyadan muzeycilerin zaametçilik ustalıklarını üüseltmää, fondlarlan işlemektä, esaba almakta hem korumakta büünkü günä uygun kaluplar göstermää, biri-birlerinin marafetlerinnän paylaşmaa.
Muzeycilerä annadıldı nicä lääzım cümneylän işbirlii kurmaa hem türlü üüredicilik hem dä bilim-aydınnadıcı proektları aslıya çıkarıp, muzeylerä taa çok insan çekmää.
