Küçük ayın (fevral) 21-dä Komrat kasabasının Kultura Sarayında geçti Gagauziyanın pedagogika ustalıında “2020-ci yılın üüredicisi” zanaat konkursun finalı. Bu yıl finala 21-51 yaş arasında onbeş üüredici çıktı.
Yarışmaya katılannarı beklärdi türlü denemelär: didaktika durumunu çözmäk, psihopedagogikada soruşlar hem konkursun ana işi – evdän hazırlanan “Gelecek için…” tema.
Bu yıl yarışmalar geçtilär iki nominațiyada: “Pedagogikada debüt” hem “Yılın üüredicisi”.
“Pedagogikada debüt” nominațiyasında:
“Pedagogikada debüt” nominațiyasında ensesdi Vera Gavrilovna İKİZLİ, Kongaz küüyün “Todur Zanet” teoretik liţeyin informatikada üürediciykası;
II-ci gradta Diploma – Elena Georgievna MİHAYLOVA, Komrat kasabasının “Nikolay Tretyakov” teoretik liţeyin gagauz dilindä hem literaturasında üürediciykası;
III-cü gradta Diploma – Anastasiya Petrovna FRANGU, Svetloe küüyün teoretik liţeyin «Развитие личности» uurunda üürediciykası;
IV-cü gradta Diploma – Aleksandra Vasilyevna ANGELOVA, Avdarma küüyün “Dimitriy Çelengir” teoretik liţeyin angliycada üürediciykası;
V-ci gradta Diploma – Dimitriy Dimitrieviç GÜÇ, Komrat kasabasının “Dimitriy Mavrodi” teoretik liţeyin informatikada üüredicisi.
“Yılın üüredicisi” nominațiyasında:
“Yılın üüredicisi” nominațiyasında ensesdi Mihail Mihayloviç KOSTENKO, Çadır kasabasının “Valentin Moşkov” teoretik liţeyin rus dilindä hem literaturasında üüredicisi. Bundan kaarä Canabisinä «Приза зрительских симпатий» da verildi.
II-ci er – Mariya Dimitrievna BOYKAN, Baş küüyü (Kirsova) “Mihail Tuzlov” teoretik liţeyin romın dilindä hem literaturasında üürediciykası;
III-cü er – İrina Nikolaevna KRİSTEVA, Baurçu küüyün başlangıç şkolasının romın dilindä hem literaturasında üürediciykası.
Başka nominaţiyalarda ödülleri kablettilär:
Olga Konstantinovna KOBZAK, Çadır kasabasının “Georgiy Sırtmaç” gimnaziyasının romın dilindä hem literaturasında üürediciykası – «Индивидуальный стиль и креативный подход» nominaţiyası;
Elena Danilovna STOYANOVA, Aydar küüyün “Födor Angeli” gimnaziyasının başlangıç klaslarda üürediciykası – «Вдохновение и педагогический артистизм» nominaţiyası;
Ekaterina Dimitrievna KILÇIK, Komrat kasabasının “Dimitriy Karaçoban” teoretik liţeyin romın dilindä hem literaturasında üürediciykası – «Вдохновение и эрудиция» nominaţiyası;
Anna İlyiniçna ÇEBANOVA, Kongaz küüyün “Varvara Topal” gimnaziyasının resimciliktä üürediciykası – «Творчество и профессионализм» nominaţiyası;
İnna Petrovna TRANDAFİL, Kıpçak küüyün “Boris Yanakoglu” teoretik liţeyin matematikada üürediciykası – «Профессиональная компетентность» nominaţiyası;
Ekaterina Nikolaevna AYZEREN, Dizgincä küüyün teoretik liţeyin matematikada üürediciykası – « Опыт и педагогическое мастерство» nominaţiyası;
Anna Vasilyevna ÇEBANOVA, Kongaz küüyün “Nikolay Çebanov” gimnaziyasının başlangıç klaslarda üürediciykası – « Мастер-новатор» nominaţiyası.
Patretlär: guogagauzii.md
