2025-ci yılın Harman ayın (avgust) 6-da oldu Gagauziya Halk Topluşun sıradan dışarı toplantısı, neredä Gagauziya deputatları inceledilär sade bir soruşu: “Gagauziya Başkanın zakonsuz cezalandırmasınnan ilgili Gagauziyada cümne-politika durumun incelenmesi”: https://youtu.be/g3P_RpI7j58.
Gagauziya Halk Topluşun sıradan dışarı toplantısında pay alan deputatlar kesin kalktılar “Harman ayın (avgust) 5-dä Moldova kuvetleri tarafından Gagauziya Başkankası Evgeniya GUȚULa karşı yapılan baskılara” hem “Canabisinin Kişinev Boyukan sudun daavacıykası Anna KUÇERESKUnun Gagauziya Başkankasını Evgeniya GUȚULu 7 yıl kapana kapamaa kararına”.
GHT deputatları urgaladılar, ani “Evgeniya GUȚUL bizim zakonnu Başkanımız” hem Moldova kuvetlerin yaptıklarını kritikaya aldılar.
İncelenän soruşlan ilgili olarak, GHT kabletti karar, angısına görä urgulanêr, ani “Gagauziya Halk Topluşu kesinniklän tanımêêr Evgeniya GUȚUL hakkındakı sudun daavasını hem Gagauziya Başkanın kuvettä bulunması zaman uzunnuunda sade Evgeniya GUȚULu zakonnu Başkan tanıyêr”.
Kendi sıra dışarı toplantısının sonunda Gagauziya Halk Topluşu kabletti bir karar, angısını yolladı Moldova Prezidentına, parlamentına, pravitelstvosuna, Konstituțiya suduna, Magistraturanın üst Sovetinä, memleketin baş prokuroruna, Birleşik Milletlär insan hakları üüsek komisarlıı ofisina, OBSEya, PASEya, Evroparlamenta hem dä Rusiya, Türkiye, Kitay, İndiya hem ABD (Amerika Birleşik Devletleri) pravitelstvolarına.
