Tükiyenin Konya kasabasında kurulan hem politika dışında olan “Uluslararası Strateji Araştırma Geliştirme Merkezi” (USARGE’M) volontör akıntısı 2026-cı yılın Küçük ayın 7-dä ilk toplantısını yaptı.
USARGE’M toplantısına pay aldılar Türkiyedän, Evropadan, Balkannardan, Orta hem Dou Aziyadan yaklaşık 50 kişi. Onnarın arasında vardılar: Veyis GÜNGÖR (Golandiya), Erdoğan SARAÇ (Makedoniya), İsmail KÖSEÖMER (Bulgariya/Kırcalı), İlhan TAHSİN (Grețiya/Batı Trakiya), Todur ZANET (Gagauzya/Moldova), İvan MANASTIRLI (Ankara “Gagauzlar” dernää), Abdullah ULUYURT (Tükiye, Ankara), Harun MERAL (Tükiye, Konya), Musa AVCI (Tükiye, Konya) hem başkaları. USARGE’M bu toplantısına Türkiyedän hem dışardan 25 insan Zoom yolunnan katıldı.
“Bir başkent her zaman başkenttir” – diyeräk, USARGE’M Merkez Başkanı Abdullah ULUYURT urguladı – “”Uluslararası Strateji Araştırma Geliştirme Merkez”in uuru diişän dünnää dengelerini gözlemä, dooru keezleri belirlemä hem toplumda eni bir şafk açma neetinnän kuruldu. USARGE’M – bu yansız, baamsız bir düşüncä kuruluşu olup, ileriyä dönük bir kadro akıntısıdır”.
Toplantıda incelendi Halklararası USARGE’M akntısının programası hem yapılacek işleri. Ayrıca karar alındı, ani ötää dooru USARGE’M toplantılarını aşırı devletlerin baş kasabalarında yapmaa.
