Ceviz ayın (sentäbri) 26-da Moldova Prezidentı İgor DODON nasaat edecek Birleşik Milletlär Topluluun (BMT) 74-cü Genel Asambleyasının tribunasından.
Nicä bildirdi Moldova Prezidentın pres-slujbası İgor DODON Ceviz ayın (sentäbri) 22-dän beeri bir aftalık iş vizitınnan bulunêr Amerika Birleşik Devletlerindä (ABD).
Vizit zamanın en büük işi olacek o, ani bir iş Ceviz ayın (sentäbri) 27-dä Moldova Prezidentı New Yorkta Birleşik Milletlär Topluluun (BMT) 74-cü Genel Asambleyasının tribunasından nasaat edecek. Kendi nasaatında o annadacek Moldova Respublikasının problemalarını hem başarılarını, iç hem dış politikasının özelliklerini, pridnestrovyalı konfliktın çözülmäk perspektivasını hem başka işleri.
Bu nasaattan kaarä Moldova Prezidentı Genel Asambleyasının “meydannarında” buluşêr başka devletlerin liderlarınnan hem ABD öndercilerinnän.
Ayrı bir buluşma İgor DODON yaptı dünnääyın kuvetli çıvıt organizațiyaların başlarınnan hem iş adamnarınnan.
İgor DODON sayêr, ani bu vizit “denkli dış politikasının önä sürülmesinin bakışından bu yılın en önemlisidir”.
