2019-cu yılın Kırım ayın (dekabri) 8-dä Kişinevda olan hem Moldova diplomatlarının Halklararası karı klubun (IWCM) tarafınan hazırlanan XXIII-cü “International Charity Bazaar – Halklararası Yardım Pazarı” iilik yapmak paneerında Moldovada Türkiye Büükelçiliin en büük katkısı oldu.
Paneerda, nicä dä 23 yıl sıravardı, Moldovada Türkiye Büükelçiliin en büük stendı vardı hem o stendtan bütün Büükelçilik personalı hem TİKA zaametçileri satış yaptı.
Sonuç olarak bu stendtan 45214 leylik satış yapılan hem 49892 leylik toplanılan baaşışlarlan Moldovada Türkiye Büükelçilii “International Charity Bazaar – Halklararası Yardım Pazarı” iilik yapmak paneerında en büük katkıylan birinci oldu.
Not. IWCM 23-cü “International Charity Bazaar – Halklararası Yardım Pazarı”nda toplanan paraları hem baaşışları karılar klubu verecek hastalar hem kusurlular evlerinä hem başka hayırlı işlär için kullanacek.
