Kasım ayın 22-23 günnerindä Kişinev kasabasında geçti vokalcılar arasına II-ci “İncäzanaat bizi birleştirer” („Arta ne uneşte”) halklararası konkurs Festivali.
Nicä bildirdi bu şkolanın hem studiyanın önderciykası Olesä BARLADÄN, Gagauziyayı vokal uurunda II-ci “İncäzanaat bizi birleştirer” halklararası konkurs Festivalindä temsil ettilär “Güneş çancaazı” vokal şkolasının hem “Voice Show Studio” örnekli vokal studiyasının 6 solistı hem solistkası: Darya KAZAK, Dimitriy BODUR, Anastasiya STOYANOGLU, Darya İKİZLİ, Kaseniya TÜFEKÇİ hem Eva DUDUŞ.
Bu talantlı uşaklar Festivalin jürisinin önünä 13 vokal hem instrumental nomerleri çıkardılar. Jüri tarafından bu nomerlerin kantarlamasından sora, Gagauziyadan vokalcılarda 1 – 3-cü er ödülü, 3 – 2-ci er ödülü, 5 – 5-ci er ödülü, 1 – “Trafeu” ödülü hem dä 3 – “Grand-Pri” ödülü.
