Büük ayın 17-18 günnerindä Gagauziyayı, nicä da Moldovanın bütün üülen tarafını büük saurgun hem kürtünnär bastı. Birdän büük bir kaar yaadı. Lüzgär yollarda büük kürtünnär yıvdı. Küülär hem kasabalar arasında yollar kapandı.
En zor durum Valkaneş, Kazayak hem Çok Meydan yollarındaydı. Bütün Gagauziyada kaara hem kürtünnerä esir oldular 20 maşinadan zeedä. O maşinalarda vardılar uşaklar da, karılar da, hastalar da.
Onnarı kurtarmaa deyni Gagauziyanın Üstolan durumnar Kuruluşu bu günnerdä durmamayca çalıştı. Ama hepsinä vakıdında etiştirämärdi. Ölä Kazayak-Çadır yolunda Büük ayın 18-dä dört maşina 9 saattan zeedä kaar içindä kaldı. Onnarı kurtarmaa deyni burayı küüdän traktor yollandı, ama onun solärkası bitti.
Maşinalardan insannar redakţiyamıza haber verdilär, ani aralarında bir da duuduracek insan var, makar onu kurtarsınnar. Son-sonunda 11 saat geçtiynän yardım gelmää başlaa.
Gagauziyanın Üstolan durumnar Kuruluşun başı Vitaliy KASSA açıkladı, ani büünkü günä may hepsi yollar paklandı.
Şindi Valkaneş uuruna yolda kürüler.
