TİKA (Türk İşbirlii hem Koordinaţiya Agenstvosu) tarafından yardımnanan “Kardaş Şkola Proektı” yolunnan bu kerä Türkiyenin Denizli kasabasından üürencilär Gagauziyaya geldilär hem Kongaz Süleyman DEMİREL moldo-türk teoretik liţeyindä üürenän üürencilärlän buluştular.
Taa ileri, TİKA tarafından yardımnanan “Kardaş Şkola Proektı” yolunnan Gagauziyanın Kongaz Süleyman DEMİREL moldo-türk teoretik liţeyindän 11 üürenci, türk üürencilerin aylelerindä kalıp, Türkiyedä Denizlidä, Aydında hem İzmirdä üüredicilik hem kultura programalarında buluştular. Şindi dä, hep bu programalarda, artık buradakı üürencilerin aylelerindä kalıp, Türkiyedän üürencilär Moldovaylan hem Gagauziyaylan tanışacerklar.
Buluşmalar sırasında, artık dost olan üürencilär TİKA Kişinev ofisindä musaafir edildilär, neredä ofisin koordinatoru Murat ZELAN onnarı TİKAnın Moldovada çalışmaları işlerinnän tanıştırdı.
