Hederlez ayın 18-19 günnerindä Moldova Respublikasına vizitı zamanında Romıniya Prinţı Radu, Hederlez ayın 18-dä Moldova üüredicilik hem aaraştırma ministrusu Dan PERÇUNnan (Dan Perciun) buluşarak, açıkladı, ani Gagauziyanın Komrat Devlet Universitetın iki başarılı studentı için Romıniya Korol Evin stipendiyaları kurulêr.
Açıklamaya görä bundan ötää her yılın Komrat Devlet Universitetın, az gelirli aylelerdän çıkan, en talantlı studentkasına hem studentına, onnarın akademiyalı başarılarına arka olmaa deyni, verilecek “Romıniya Korolevası Margareta stipendiyası” (Queen Margareta of Romania Scholarship) hem “Prinţ Radu stipendiyası”.
Romıniya Prinţı Radu bildirdi, ani bu prestijlı stipendiyanın verilmä garantiyası önümezdeki beş yıl için ayırıldı artık.
PATRET: Familia Regala a Romaniei facebook sayfasından
