Gagauziyanın Kıpçak küüyündä bulunan “Pobeda” kolhozu Moldovanın merkez kuvetlerinä aykırı duran bir kemik. O “kemii” yutmaa isteerlär, taa doorusu kolhozun kapanmasında cöplerinä para koymaa düşünerlär.
En aazdan bu görünêr, açan işidersin, ani “Pobeda” kolhozu bu “soţializmadan kalma bişeymiş”. Ama, ani o “bişey” yılda 40 milion ley bücetä ödeer, ani 500 insana iş verer, ani Kıpçak küüyün cümne hem kultura işlerinä yardımcı olêr, ani insannara ucuz hem pak mallar verer onu hiç birisi işitmää istämeer.
Şindi merkez kuvetlär bildirdilär, ani insannar kendileri kolhozu kapamarsalar, ozaman onnar (merkez kuvetlär) kolhozu sud kararınnan kapadaceklar.
Bakêrsın bu korkutmaya da düşünersin: nezaman görülmüş, ani insannarı “düşünennär” kendi insanına, “soţializmadan kalma” sebepinnän, bukadar zarar getirsinnär?
Gagauziya kuvetleri açıkladılar, ani kolhozun kapanmasını istämeerlär.
