2024-cü yılın Kasım ayın 30 – Kırım ayın 1-ri günnerindä Kıpçak küüyündä geçti Nikodim ORLİOGLUnun anmasına adanmış serbest güreştä XXII-ci Halklararası turnirı.
Nikodim ORLİOGLUnun anmasına adanmış serbest güreştä Halklararası turnir on aarlık kategoriyasında yapıldı hem onda pay aldı 120-dän zeedä genç güreşçi Bulgariyadan, Gagauziyadan, Moldovadan, Türkiyedän hem Ukraynadan.
Halklararası turnirın açılışına katıldılar Kıpçak küüyün primarı hem popazı, Gagauziya Halk Topluşun deputatları Valeriy MANASTIRLI hem Demyan KARASENİ, trenerlar hem büük güreçilik sportun veterannarı.
Gagauziya gençlik hem sport Upravleniyasının hem Kıpçak primariyası adından turnirda enseyennär hem prizörlar kablettilär diploma, medali, kuboklar hem para baaşışları.