Gagauziya Halk Topluşun kararınnan 2019-cu yılın Kirez ayın (iyün) 30-da sıradakı Gagauziya Başkanı seçimneri olêr. Başkan ayırılmaa deyni dört kandidat var: İvan BURGUCU, Sergey ÇİMPOEŞ, İrina VLAH hem Dimitriy MANOL.
Gagauziya Merkez Seçim Komisiyasının kararına görä Gagauziyada 3 seçim bölgesi (rayonnara görä) açıldı: № 1 – Komrat (31 seçim bölümü), №2 – Çadır (22 seçim bölümü) hem № 3 – Valkaneş (13 seçim bölümü).
Seçimnär için tiparlandı 107 499 bülüten (bu sayıya girer 1% edek bülüten da). Bülütennerin 3 108-zi gagauz dilindä, 2 722-si romın dilindä, 101 669-zu da rus dilindä.
