2025-ci yılın Harman ayın (avgust) 5-dä Kişinev Boyukan sudun daavacıykası Anna KUÇERESKU tarafından alınan karara görä, Gagauziya Başkankasına Evgeniya GUȚULa 7 yıl kapan verilmesi günündän beeri, bu karara karşı dünnedä açıklamalar yapılêr hem protest mitingları geçer.
Harman ayın (avgust) 10-da Kişinevun №13 kapanın önündä, neredä, Apeläțiya palatası bu konuda kendi kararını alınca, kapalı Gagauziya Başkankası Evgeniya GUȚUL, büük bir protest mitingı geçti, angısına üzlärcä insan katıldı.
Rus hem romın dilindä yazılı plakatları ellerindä tutarak, mitingçılar Evgeniya GUȚULun hem Svetlana POPANın (zapa altına koyulan “ŞOR” partiyasının sekretari, angısına daavacıykanın hepo kararınnan 6 yıl kapan verildi – “AS” nışanı) serbest brakmasını istedilär hem bir seslän baarardılar: “Ayıp!”, “Serbestlik!”
Mitingta, politikacılardan kaarä, sıradan insannar hem Evgeniya GUȚULun anası nasaat ettilär.
Not. 2025-ci yılın Baba Marta ayın 25-dä Kişinev aeroportunda Moldovanın antikorupțiya Merkezi (CNA) tarafından tutuklanan Gagauziya Başkankasına Evgeniya GUȚULa 05.08.2025 günü Kişinev Boyukan sudun daavacıykası Anna KUÇERESKU 7 yıl kapan verdi.
