Kim dedi, ani Ana Vatanda yok nicä iş kurmaa? Bir şüpesiz cuvap – var nicä! Sadä lääzım istemää, üşenmemää hem kendini inanmaa.
Bölä insannar Gagauziyanın herbir küüyündä var. Onnar ne sa yapêrlar, ne sa çevirerlär, ne sa yaradêrlar da, hem kendilerinä, hem da yannaşık insannara işlemää kolaylık vererlär.
Ölä insannar Çöşmäküüyündä da var. Burada kurulu bir ţeh neredä çorap örerler. Ţehın başında durêr Pötr Vasilyeviç ÇEBAN. Canabisinnän buluştuynan o dedi: “Bizdä kolektiv küçük, ama haliz bir aylä gibi işleer!” Ţehlan hem insannarlan tanıştıynan kendimiz gördük, ani bu laflar dooru. İnsannar bir aylä gibiydilär: iştä da, dinnenmektä da, şakada da.
PATRETTÄ: (soldan) Mihail SERBİNOV, Aleksandr GEORGİŞ, Pötr ÇEBAN, Pani TODİEV, Lüdmila MOMÇA, Marina MOMÇA, Antonina TODİEVA.
