Canavar ayın 10-da, Komrat “D. SAVASTİN” resimcilik şkolasının 40-cı yıldönümünün kutlamasınnan ilgili olarak, Komrat kultura Evindä oldu bir yortulu sıra.
Yortulu sırasının önündä, sıraya buyur edilennär tanıştılar Komrat “D. SAVASTİN” resimcilik şkolasının üürencilerin resim sergisinnän hem bu şkolayı kuran Büük gagauz resimcisi Dimitriy SAVASTİNın yaşamasını annadan kısa bir kinoylan.
Sıraya gelän Gagauziya Başkankası Egeniya GUȚUL, Gagauziya kultura Upravleniyasının başı Marina SEMENOVA hem Komrat rayonun administrațiyası başı Vadim ÇEBAN kutladılar şkolanın üürencilerini hem üüredicilerini bu gözäl yıldönümünnän.
Ayırıca, şkolanın üç üüredicisi Andrey ANDRİEŞ, Mihail İKİZLİ, Födor ÇEVDAR hem bir üürediciyukası Nina PEEVA ödüllendilär Gagauziya kultura Upravleniyasının anılmak diplomnarınnan.
Bundan kaarä Komrat “D. SAVASTİN” resimcilik şkolasının 24 üürencisinä baaşışlar hem diplomnar verildi.
Yortulu sıra başarıldı Komrat “A. Valkov” adına muzıka şkolasının üürencilerinin hem Komrat kulrura Evin vokal grupasının konțertinnän.
