Kasım ayın 16-da büük şenniklän hem yortulu bir sıraylan Kongazın “Varvara Topal” adına gimnaziyası 60-cı yıldönümümü kutladı. Maasuz kutlama günü için gimnaziyada hazırlandı bir kultura programası hem partetlär sergisi.
“Varvara Topal” adına gimnaziyası 60-cı yıldönümümü kutlaması için o günü yortuya katıldılar gimnaziyanın üüredicileri hem üürencileri, bu gimnaziyayı başaran insannar, küüyün primariyasının azalrı, Gagauziya üüredicilik Upravleniyasının zaametçileri, Kongaz küüyün başka üüredicilik kuruluşların işçileri hem temsilcileri.
Belliki, yortulu sırada çok kutlama sözleri tutuldu, gimnaziyanın üüredicilerinä Gramotalar hem Diplomnar verildi. Gimnaziyanın vıpusknikleri hem o günkü musaafirleri da boş ellän sıraya gelmedilär da baaşladılar kendi Alma-materına baaşışlarını.
Gimnaziya için birkaç açıklama:
Bu üüredicilik kuruluşu, Kongazın № 3 şkolası, kuruldı 1964-cü yılın Kasım ayında, Kongazın № 1 şkolasının (büükü gündä “Todur Zanet” Teoretik Lițeyi Cümne Kuruluşu) olarak. Sora, 1968-ci yılda o oldu, ilktän, kendibaşına sekiz klaslık şkola, sora da orta şkolaya döndürüldü. 2011-ci yılda gimnaziya statusunda çevirildi. 2016-cı yılda ona Varvara Petrovna TOPALın adı verildi, ani bu şkolada 47 yıl üüredici işledi hem 32 yıl bu şkolanın direktoru oldu. 2022-ci yıldan beeri “Varvara Topal” Gimnaziya Cümne Kuruluşu. Büünkü gündä gimnaziyada 32 üüredici işleer hem 355 üürenci (163 – başlangıç klaslarda, 192 – orta klaslarda) var.
