Büün Komratta Gagauziyada 2014-cü yılın Küçük ayın 2-dä olan Konsultativ Referendumun 3-cü yıldönümünü kutlêêrlar.
Kutlamak yortusu Komradın meydanında büük mitinglan olacek, angısına insannarı çıkrmaa deyni herbir devlet kuruluşuna izin verildi.
Gagauziyada 2014-cü yılın Küçük ayın 2-dä olan konsultativ Referendumda iki soruş için insannarın fikirini sorduydular:
1. Gagauziya halkın dış yolunu kendibaşına seçmä hakkın kalınmış statusu için.
2. Rusiya, Belorusiya hem Kazahstan arasında Tamojnä Birliinä girmää deyni soruşun incelemesi.
Referendum sonuşları bola oldu:
- Gagauziya halkın dış yolunu kendibaşına seçmä hakkın kalınmış statusu için”– 98,8%;
- Rusiya, Belorusiya hem Kazahstan arasında Tamojnä Birliinä girmää deyni – 98,47%.
Gagauziyanın Merkez Seçim Komisiyası açıklamasına görä ozaman Referendumda pay aldı 70 bin 376 kişi –b u, ozaman Gagauziyada seçim hakkı olan insannarın 70,04%.
