Koronavirusşan ilgili olarak hem urgulayıp, ani risk var cümne saalıında üstolan durumun peydalanmasına, Moldova Pravitelstvosu aldı karar memlekettä “sarı” kertik koymaa.
Bunu açıkladı Moldova saalık, iş hem cümne korumak ministerliin ministrusu Viorika DUMBRÊVÄNU. Canabisi urguladı, ani “sarı” kertik – bu “koronavirusun kontrolü hem profilaktikasında kuvetleri kaavileştirmää”.
Viorika DUMBRÊVÄNU urguladı, ani êpidemiyalı durum bulunêr kontrol altında, bolnițalarda var hepsi ilaçlar hem personal. Ministr açıkladı, ani profilaktıka için lääzım gigiena kurallarına uymaa.
Koronavirusu Moldovaya kolvermemää deyni sınırlarda sanitar kontrolü yapılêr.
