Bütündünnää saalıı koruma Kuruluşun haberinä görä Kitay devletindä 2019-cu yılın sonunda peydalanan koronavirus (KOVID-19) hastalıı dünnääyı epidemiya kertiinä koydu. Artık 51 devlettä bu virusa uşalannar peydalandı.
Bütündünnää saalıı koruma Kuruluşu bildirdi, ani Küçük ayın (fevral) 28-dä saat 05:30 haberlerinä hastalaa ulaşan insan sayısı – 82 549 kişi. Bu salgından ölennerin sayısı 2858 kişi. Yılaçlandı – 36 533 kişi.
Devletlerä görä KOVID-19 hastalıına ulaşan en çok insan var Kitayda – 79 bindän zeedä, Üülen Koreya – 1766 kişi, İtaliyada – 528, İranda – 450, Yaponiyada – 189 kişi.
Bakarak Evropaya KOVID-19 ulaşannarı sayısında durum bölä: İtaliya – 528, Germaniya – 26, Franțiya – 18, Büük Britaniya – 15, İspaniya – 15, Şveyțariya – 4, Avstriya, Grețiya, Horvatiya – 3, Finländiya, Rusiya, Şvețiya 2, Belgiya, Daniya, Estoniya, Gruziya, Poyraz Makedoniya, Rumıniya – 1.
