Oldu birkaç gün sıravardı Moldovada yaamur hem nem kaar yaayêr. Bu beterä bütün Moldovayı kalın buz kapçıı kapladı.
Hava durumu izmetleri serviçi bildirer, ani şindiki duruma görä, may bütün Moldovada yollar buz tuttu hem, kaygınnık beterinä, onnarın çoyu kullanmak için polițiya tarafından kapandı.
Bundan kaarä elektrika teleeri buz aarlıından kopêrlar da çok küülär şafksız kalêr.
Ayırıca, hava beterinä, kimi şkolalar şindilik kapandı, açıkolannarda da üürenmäk saat 9-00 başlêêr.
Polițiya açıkladı, ani aar hava durumu beterinä, aar tonajlı maşinalara hem TİRlara deyni granița kapandı.
Bildiriler, ani, buzda kaymaktan erä düşmä beterini dä bolnițalara çok insannar eklär kırıklıınnan hem ezilmeklärlän danışêrlar hem getirilerlär.
Bu durumda hepsinä danışêrız: Kuşku hem saburlu olun!
