Harman ayın (avgust) 10-da, Gagauziyaya geldii zaman, Litva Respublikasının Moldovada Büükelçisi Kästutis (Kęstutis) KUDZMANAS adadıydı, ani Gagauziyanın kimi bolnițalarında hem şkolalarında Litva birkaç güneş energiyası stanțiyaları kuracek. Bu proektın paası 500 bin evroyu aşacek.
Büükelçi Kästutis (Kęstutis) KUDZMANAS açıkladı, ani güneş energiyası stanțiyaları kullanmasında Litva Respublikasının büük başarıları var, da Gagauziyada soțial kuruluşlarda stanțiayaların kurulması verecek kolayını bu kuruluşlar energiya harçlarını aazaltsınnar.
Kästutis (Kęstutis) KUDZMANAS kendisi gezdi hem baktı Gagauziyada bu proekta girän bolnițaların hem “Mihail ÇAKİR” pedagogika kolecın bu uurda kolaylıklarını. Söz gelişi, kolecın örtüsündä ozaman artık başladıydılar erleştirmää 59 bin evroluk stanțiyaları.
Bu türlü stanțiyaları kuraceklar Gagauziyanın herbir rayon bolnițasında hem, “Mihail ÇAKİR” pedagogika kolecından kaarä, taa iki üüredicilik kuruluşunda.
