Poyraz Makedoniya devletin baş kasabasında Üsküptä Orak ayın 6-12 günnerindä geçän serbest güreştä U-22 Evropa Çempionatında Moldova için güreşän Gagauziyanın Kıpçak küüyündän duumalı güreşçimiz Maksim DIMOV, 65 kg kategoriyasında, Evropa çempionu oldu.
Serbest güreştä U-22 Evropa Çempionatın finalına yolunda Maksim DIMOV ensedi Ukrayna, Bulgariya hem Franțiya güreşçilerini.
Finalda da, Armeniyadan güreşçiyi Armen AYRAPETÄNı 5:2 enseyip, altın medali kazandı hem Evropa çempionu oldu.
Şindi Maksim DIMOV serbest güreştä U-22 Dünnä Çempionatında pay almaa hakkını kazandı.
Eni Evropa çempionumuz kutluca olsun!
