Baba Marta ayın 23-nä saat 8:00 kadar Moldovada COVİD-19-za ulaşan 94 kişi var.
Pazar günü, Baba Marta ayın 22-dä avşamneyin yapılan açıklamakta Moldovanın saalıı, işi hem cümneyi koruma ministerlii bildirdi, ani 24 saatta COVİD-19-za ulaşan insannarın sayısı taa 14 kişiyä zeedelendi. Onnarın arasından evdä ulaşannar – 10 kişi, yabancılıktan gelennär – 4 kişi (İtaliyadan –1, Romıniyadan – 2, Ukraynadan – 1).
Baba Marta ayın 23-dä saat 8:00 kadar ulaşan taa 2 kişi ortaya çıktı. Bölecä Moldovada COVİD-19-za ulaşan 94 kişi oldu.
Statistkaya görä COVİD-19 hastalıın yayılmasına görä Moldova şindilik 84-cü erdä bulunêr. Büün Moldovada 1 milion insana 23 koronavirus hastası geler. COVİD-19 hastalıına ulaşannar bir sutkada 18% zeedelener.
