Küçük ayın (fevral) 25-dä Kişinevun “Demiryolcular Binasında” olacek Moldova KVN Ligasının final oyunnarı, angılarında, 15 komandanın arasında, pay alaceklar Gagauziyadan iki komanda da – “Las-Kongaz” hem “Yujnıy temperament”.
2017-ci yılda Küçük ayın (fevral) 16-da Komratta geçti Gagauziyanın KVNda kış festivali, angısında ensedi komanda “Las-Kongaz” (Kongaz Todur ZANET teoretik liţeyi), ikinci eri aldı – “Yujnıy temperament”, üçüncüyü da – “Tipiçnaya Gagauziya”. Bu festivaldä pay aldı taa iki komanda – “Komratskiye çiki” hem Komrat kolecın komandası.
Kişinevda Moldova KVN Ligasının final oyunnarın Gagauziya komandaları gelsinnär deyni sponsorluk ederlär Gagauziya gençlik hem sport Upravleniyası, Kongaz primariyası, Komrat administraţiyası.
