Parijda Harman ayın 28-dän Ceviz ayın 8-dän geçän XVII-ci Yaz Paralimpiada oyunnarında pay alan Moldova paralimpiadacıları Ceviz ayın 10-da evä döndülär.
XVII-ci Yaz Paralimpiada oyunnarında 5 kişidän oluşan Moldova paralimpiadacıların komandası 2 medali kazandı, ikisi da para dzüdo yarışmalarında: İon BASOK (+90 kg) – gümüş, Oleg KREȚUL – bronza.
Kişinev aeroportunda paralimpiadacıları çiçeklän hem palma düümesinnän karşladılar kolegaları, taraftarları, yakınnarı hem dostları, hem da Moldova prezidentı Maya SANDUylan Moldovanın üüredicilik hem aaraştırma ministrusu Dan PERCIUN (Dan Perçun).
Paralimpiadacıların Olimpiadaya gidişinin bütün harçlarını üstünä aldı Moldovanın üüredicilik hem aaraştırma ministrlii.
Patretlär: Facebook/Maia Sandu
