Kasım ayın 20-dä spiker Andrian KANDU teklif etti Moldova Parlamentında kurmaa Gagauziya Halk Topluşunnan işbirlii grupası.
Bu grupaya gireceklär Moldova hem Gagauziya parlamentından deputatlar. Grupanın ön daavası olacek: moldovan zakonnarın hem “Gagauziya (Gagauz Eri) özel hak statusu için” Zakonun arasında garmonizaţiya kurmaa.
İşbirlii grupasının başka bir daavası da olacek avtonoiyada merkez kuruluşların kuvetlerinin kertiklerini bulmaa hem Gagauziyanın sıradakı problemalarını çözmää.
Bu teklifi Moldova Parlamentı kabul etti. Ona karşı çıktı sadä Liberal partiyası, ani durmamayca baarêr ki Gagauziya başka Moldova rayonnarı gibi bişey da ona okadar esap vermesinnär. Liberallar korkêrlar, ani bölä grupanın kurulmasını Gagauziya Halk Topluşunu hem Moldovanın Parlamentını bir uura koyacek hem separatizmaya yol açacek. Son-sonunda liberallar, oy vermeyip, ikiliktä kaldılar.
