Easaba alarak ne hızlan koronavirus hastalıı yayılêr hem ani vatandaşların arasında aaz disțiplina var, Moldova Prezidentı İgor DODON açıkladı, ani memlekettä lääzım komendant saadı kurmaa.
İgor DODON sayêr, ani Moldovada gecä saat 22:00 – 05:00 yada 23:00 – 06:00 arası lääzım komendant saadı kurmaa hem ona uymayannar büük para cezaları yazmaa.
Moldova Prezidentın tarafından bu teklifi ilerletti Moldova içişleri ministrusu Pavel VOYKU, angısı açıkladı, ani en kısa zamanda bu komendant saadı kurulacek. Ona yada başka zapalara uymayannara polițiya tarafından, bir lafsız hem açıklamasız, para cezaları yazılacek.
Pavel VOYKU bildirdi, ani kasabalar hem küülär arası yolculuklar da zapa altına alınacek.
